കല്‍പറ്റ: രാഹുല്‍ഗാന്ധിയുടെ ഓഫീസിലെ ഗാന്ധിചിത്രം എസ് എഫ് ഐക്കാര്‍ തകര്‍ത്ത സംഭവത്തില്‍ യഥാര്‍ത്ഥ കുറ്റവാളികളെ നിയമത്തിന് മുന്നില്‍ കൊണ്ടുവരണമെന്നും ആവശ്യപ്പെട്ട് കോണ്‍ഗ്രസ് നടത്തുന്ന എസ്.പി ഓഫീസ് മാര്‍ച്ച് അല്‍പ്പസമയത്തിനകം ആരംഭിക്കും. പത്തരക്ക് ട്രാഫിക് ജംഗ്ഷനില്‍ നിന്നാരംഭിക്കുന്ന മാര്‍ച്ചിന് മുന്‍ കെ.പി.സി.സി പ്രസിഡന്റ് കെ മുരളീധരന്‍ എം.പി മാര്‍ച്ച് ഉദ്ഘാടനം ചെയ്യും. കെ.പി.സി.സി വര്‍ക്കിംഗ് പ്രസിഡന്റ് അഡ്വ. ടി സിദ്ദിഖ് എം.എല്‍.എ, വൈസ് പ്രസിഡന്റ് വി.ടി ബല്‍റാം, ഐ സി ബാലകൃഷ്ണന്‍ എം.എല്‍.എ, കെ.പി.സി.സി ജനറല്‍ സെക്രട്ടറിമാരായ അഡ്വ. പി എം നിയാസ്, കെ കെ അബ്രഹാം, എക്സിക്യൂട്ടീവ് മെമ്പര്‍ കെ എല്‍ പൗലോസ്, മുന്‍മന്ത്രി പി കെ ജയലക്ഷ്മി തുടങ്ങിയവര്‍ നേതൃത്വം നല്‍കും.