![](https://keralacorrespondent.com/wp-content/uploads/2022/10/04.jpg)
സംസ്ഥാനത്ത് രണ്ടാഴ്ചക്കുള്ളില് എല്ലാ ടൂറിസ്റ്റ് ബസുകളും പരിശോധിക്കുമെന്ന് ഗതാഗത മന്ത്രി ആന്റണി രാജു. ഓരോ വാഹനത്തിന് പിന്നാലെയും പോകാന് ഉദ്യോഗസ്ഥര്ക്ക് കഴിയില്ല. 368 എന്ഫോഴ്സ്മെന്റ് ഉദ്യോഗസ്ഥരെ മാത്രമാണ് ഉള്ളത്. എല്ലാ വാഹനങ്ങളെയും പെട്ടെന്ന് നിയന്ത്രിക്കാനും കഴിയില്ല. അതുകൊണ്ട് പടിപടിയായി പരിശോധന വ്യാപകമാക്കും. സ്പീഡ് ഗവര്ണര് നടപടി കര്ശനമാക്കും. സ്പീഡ് ഗവര്ണര് അഴിച്ചു മാറ്റുന്ന സംഭവങ്ങളുണ്ട്. ഇത്തരക്കാർക്ക് ഡീലര്മാരുടെ സഹായവുമുണ്ട്. അവരുടെ പങ്ക് സംശയിക്കണം. ഡീലര്മാരുടെ ഷോറൂം പരിശോധിക്കും. ടൂറിസ്റ്റ് ബസ് ഡ്രൈവര്മാരുടെ വിവരങ്ങള് എടുക്കും. ജിപിഎസ് പരമാവധി എടുപ്പിക്കും. ഇല്ലെങ്കില് ടെസ്റ്റിന് വന്നാല് ടെസ്റ്റ് എടുത്തു കൊടുക്കില്ല. നിലവാരം ഇല്ലാത്ത ജിപിഎസ് നല്കുന്നവര്ക്ക് എതിരെ നടപടി സ്വീകരിക്കും. മോട്ടോര് വാഹന നിയമങ്ങള് കേന്ദ്ര നിയമങ്ങളാണ്. കെ സ്വിഫ്റ്റ് ബസുകളുടെ വേഗപരിധി ഇപ്പോള് 110 കിലോമീറ്റര് ആണ് . ഇത് നിയമങ്ങള്ക്ക് എതിരാണെന്നും മന്ത്രി ആന്റണി രാജു പറഞ്ഞു.